Шифокор, шоира ва таржимон. Бакуда истиқомат қилади. Озарбайжон ёзувчилар уюшмаси аъзоси. “Suya yazılan Sevda” (“Сувга ёзилган савдо”), “Yaşıl pıçıltı,” (“Яшил ранг шивири”), “Qəlbdən dodağa“, (“Дилдан тилга”) (Баку), “Ben gönlümü bilmezmiyim“, (Mен кўнглимни билмасманми) “Sevgi yağmuru” (Севги ёмғири) (Туркия) шеърий китоблари чоп этилган. Президент мукофоти ва Маҳмуд Қошғарий фондининг “Шон ёрлиғи” фахрий совриндори.  

---

ҚАЙТМА  

Умр қатор -қатор сўкилиб кетар, Юрагинг зарлари тўкилиб кетар, Ҳар келган негадир ўкиниб кетар, Кетсанг энди кетгил, ҳеч ортга қайтма  

Ҳар сўнгда бир аввал, аввалда сўнг бор, Зулмат тунидан сўнг, бир ёруғ тонг бор, Тоқлик тўққизгача, ундан сўнг ўн бор, Кетсанг энди кетгил, ҳеч ортга қайтма.  

Бахтлими, бахтсизми қисмат меники, Тоғнинг кўксидаги йўл туманники, Келар йўллар эмас, кетар сеники, Кетсанг энди кетгил, ҳеч ортга қайтма.  

Боқма бу Гултожнинг сўзига ғариб, Бир кўзи ёш тўкиб, бир кўзи кулиб, Муҳаббат боғидан хижронни териб, Кетсанг кетавергин, ҳеч энди қайтма.  

 

БИЛМАЙМАН  

Ҳали ҳам кўзларим ахтарар сени, Номинг эшитганда кула билмасам. Демагин унуттим, унуттим сени, Не қилай, сенингчун ўла билмасам.  

Замон ўтар ахир, оқиб сув каби, Кимларни элтади, келтирар кимни. Cен менинг қалбимга келганинг каби, Не қилай, ёнингга кела билмасам  

Сенсиз умрим куним жафога тўлин, Йўлларга йўл ясаб, ўтдим бу йўлин. Ҳасрат ва хижрондир бу ўнгу-сўлим, Не қилай, бу дардни бўла билмасам.  

Гултож не қилсинки, баҳорни ёзни, Умрим кўпи кетиб, қолибди ози. Азал тақдиримга бўлгандир ёзиғ, Не қилай, ёзиғин арта билмасам.  

 

МУШКУЛДИР  

Кел демоқ осондир, келмоқ мушкулдир, Қайта яна у ишққа қўнмоқ мушкулдир. Даста гуллар тутиб келмоқ не хожат? Қалбимнинг дардини туймоқ мушкулдир.  

Мушкулдир, барини бошдан бошламоқ, Битмаган ҳасратни сўздан ташламоқ. Бўлганни бўлмаган каби бошламоқ, Сўнган ўтни бошдан ёқмоқ мушкулдир.  

Бу хушда, ақлда севги не кезсин, Севги ерда эмас,самода кезсин. Қалбимни бергандим, қалбларга назир Энди уни қайта олмоқ мушкулдир.  

 

БАҒИШЛАЙМАН  

Мен севинсам, азоб чекканим, Сен чекмагин менинг чекканим. Зулм этиб, гуноҳ қилсанг гар, Савобларимни бағишлайман  

Юрагимдан минг бир ғам кечар, Қатор қатор турналар кечар, Мени дарддан, ғамлардан кечир, Сенга умонни бағишлайман.  

Ёниб битсам, гар часур – чусур, Сўрмагайсан-ку, недан, нечун? Бир онийлик бахтимиз учун, Сенга умримни бағишлайман!  

0:20  

таржимаси: Фароғат Жабборова